Fréttir

Af gefnu tilefni viljum við beina því til foreldra og annarra sem nýta leikvelli í sveitarfélaginu með börnum að gæta vel að smitvörnum. Vinnum markvisst að því að gæta hæfilegrar fjarlægðar milli barnanna þar sem þau leika sér. Jafnframt er mikilvægt að gæta þess að börn þvoi hendur bæði fyrir og eftir notkun leiktækjanna og auðvitað er um að gera að þau séu með vettlinga þegar þau leika sér á leiktækjunum.

Breytt skólahald hjá 1. - 6. bekk hefst á morgun, fimmtudag 26. mars. Sjá nánar hér.

Strætó kemur til með að ganga eins og venjulega með eftirfarandi viðbótum fyrir nemendur Egilsstaðaskóla: 1) Þegar strætó kemur að Íþróttamiðstöð kl. 8:39 fer hann aftur inn að grafreit leggur af stað þaðan kl. 8:55 kemur við á öllum stoppistöðvum á Egilsstöðum og ætti að vera kominn að íþróttamiðstöðina um kl. 9:05. 2) 11:35 brottför frá íþróttamiðstöð og ekið út Tjarnarbraut, Truntubakka, Árskóga, upp í Selbrekku, niður Fagradalsbraut inn að grafreit, út Kaupvang að Landsbanka og þaðan beint í íþróttamiðstöð. Eknir þrír hringir og reiknað með að fara frá íþróttamiðstöð í síðasta hringinn um kl. 12:15. Þetta tekur gildi í dag. Þessi áætlun verður endurskoðuð eftir þörfum.

Skólahald er með óhefðbundnu sniði fram að páskum eins og foreldrar hafa fengið upplýsingar um. Undir flipanum Skólinn, Skólahald 17. mars -13. apríl, hér fyrir ofan eru ýmsar upplýsingar sem foreldrar hafa fengið í tölvupósti. Vakin er athygli á að foreldrar og gestir geta ekki komið inn í skólann hvort sem er í heimsókn í stofur eða á skrifstofu skólans. Að sjálfsögðu er svarað í símann á skrifstofu skólans milli kl. 8:00-12:00 og 13:00-16:00.