13.06.2024
Undirbúningur fyrir næsta skólaár er í fullum gangi í Egilsstaðaskóla. Nú liggur fyrir hvernig umsjónarkennarateymi verða skipuð. Þar eru bæði kennarar sem hafa starfað lengi við skólann og aðrir sem eru að hefja störf við skólann.
Upplýsingar um aðra kennara verða gefnar í ágúst, s.s. íþróttakennarar, list- og verkgreinakennarar, faggreinateymi á unglingastigi og hverjir sinna stoðþjónustu í skólanum.
Í 1. bekk verða umsjónarkennarar Berglind Karlsdóttir, Drífa Magnúsdóttir og Sigrún Þöll Kjerúlf
Í 2. bekk verða umsjónarkennarar Halldóra Björk Ársælsdóttir og Svana Magnúsdóttir
Í 3. bekk verða umsjónarkennarar Berglín Sjöfn Jónsdóttir, Fanndís Ósk Björnsdóttir og Jóhanna Björk Magnúsdóttir
Í 4. bekk verða umsjónarkennarar Gyða Guttormsdóttir, Jónína Brá Árnadóttir og Júlía Kristey H. Jónsdóttir
Í 5. bekk verða umsjónarkennarar Carola Björk T. Orloff, Rósey Kristjánsdóttir og Védís Hrönn Gunnlaugsdóttir
Í 6. bekk verða umsjónarkennarar Auður Dögg Pálsdóttir, Erla Gunnlaugsdóttir og Lovísa Hreinsdóttir
Í 7. bekk verða umsjónarkennarar Adam Eiður Ásgeirsson, Hlín Stefánsdóttir og María Emilsdóttir
Í 8. bekk verða umsjónarkennarar Sigurður Högni Sigurðsson og Þórunn Guðgeirsdóttir
Í 9. bekk verða umsjónarkennarar Fjóla Rún Jónsdóttir, Fjóla Margrét Hrafnkelsdóttir og Sigfús Guttormsson
Í 10. bekk verða umsjónarkennarar Jón Magnússon, Sandra Ösp Valdimarsdóttir og Sæbjörn Guðlaugsson
Lesa meira
07.06.2024
Egilsstaðaskóla var slitið í 76. sinn fimmtudaginn 6. júní sl. Þá fengu 413 nemendur vitnisburð sinn en af þeim útskrifuðust 34 úr 10. bekk. Kristín Guðlaug Magnúsdóttir flutti skólaslitaræðu þar sem hún greindi m.a. frá því að hún lætur af starfi skólastjóra í vor en heldur áfram störfum innan skólans sem umsjónarmaður bókasafnsins. Við útskrift 10. bekkjar flutti formaður Nemendaráðs, Ríkey Anna Ingvarsdóttir, ávarp og umsjónarkennarar 10. bekkjar töluðu til nemenda. Fulltrúar nemenda afhentu umsjónarkennurum, iðjuþjálfa og stuðningsfulltrúum gjafir með þökkum fyrir samstarfið.
Nemendur fluttu tónlistaratriði á skólaslitunum. Maria Anna Szczelina spilaði verk eftir Debussy á píanó og hljómsveit skipuð 9 nemendum í 10. bekk spilaði lagið Hotel California ásamt Margréti Láru Þórarinsdóttur.
Við óskum öllum útskriftarnemum til hamingju með þennan stóra áfanga og hlökkum til að fylgjast með þeim í framtíðinni.
Lesa meira
06.06.2024
Í dag verður Egilsstaðaskóla slitið í 76. sinn og nemendur fara í sumarfrí. Skólaslit fyrir nemendur í 1.-4. bekk eru klukkan 9.00 og hefjast með stuttri samveru í matsal. Klukkan 10.30 eru skólaslit fyrir nemendur í 5. - 9. bekk sem hefjast einnig með samveru í matsal. Í kvöld verður 10. bekkur útskrifaður og hefst sú athöfn klukkan 20.00.
Foreldrum og forsjáraðilum er bent á að mikið magn er af óskilafatnaði sem liggur frammi við innganga. Hægt verður að koma og líta yfir bunkana næstu þar til um miðja næstu viku.
Lesa meira
03.06.2024
Í tengslum við umfjöllun um stríðsárin fer 9. bekkur í skoðunarferð á Stríðsminjasafnið á Reyðarfirði. Í síðustu viku nýtti hópurinn góða veðrið, skoðaði safnið og fór svo yfir á Eskifjörð þar sem tekið var á móti hópnum á Mjóeyri. Sævar spjallaði við krakkana og leiðsagði í helli, sem er skammt frá Mjóeyrinni. Það var áskorun að fara inn í hellinn sem djúpur og þar sér fólk ekki handa sinna skil. Ferðin gekk í alla staði vel og krakkar og starfsfólk glöð við heimkomuna.
Lesa meira
31.05.2024
Nemendur í 2. bekk hafa síðustu vikur unnið með bókina Blómin á þakinu eftir Ingibjörgu Sigurðardóttur í Byrjendalæsi og verkgreinum. Þau gerðu meðal annars bók með allskyns verkefnum, saumuðu blóm í textílmennt og máluðu blóm á glært plexígler í myndmennt. Þau gerðu einnig salat í heimilsfræði og smíðuðu dýr í smíðum.
Þetta er dæmi um samþætt verkefni þar sem unnið er með mörg hæfniviðmið sem þjálfa börnin á margvíslegan hátt. Foreldrum og forsjáraðilum var boðið á sýningu á afrakstri vinnunnar en krakkarnir buðu upp á veitingar í Miðgarði.
Lesa meira
24.05.2024
Á hverju vori fer 3. bekkur í fjöruferð. Fyrir landkrabba á Héraði er mjög spennandi að komast í fjöru og uppgötva lífríkið þar. Hópurinn byrjaði á að skoða Náttúruminjasafnið í Neskaupstað og þar heyrðist oft "VÁ!" enda margt fallegt að sjá. Síðan var farið í fjöruna þar sem sumir óðu út í sjó á meðan aðrir skoðuðu það sem finna mátti í fjörunni. Að lokum fór hópurinn út að vitanum, borðaði hádegisnestið og þangað kom starfsmaður Náttúrustofu Austurlands með fræðslu, m.a. um fæðukeðju hafsins og fjöllin í firðinum. Það var þoka í byrjun dags en svo létti til og Norðfjörðurinn skartaði sínu fegursta.
Lesa meira
22.05.2024
Á hverju vori fer 5. bekkur Fljótsdalshringinn og kynnir sér starfsemi stofnana í Fljótsdal. Á ferð sinni um dalinn í vikunni skoðuðu krakkarnir Fljótsdalsstöð og fengu fræðslu um Fljótsdalsvirkjun. Þau fóru inn í fjallið og skoðuðu stöðvarhúsið. Á Skriðuklaustri skoðuðu þau húsið og fengu að prófa sýndarveruleika. Í Snæfellsstofu var starfsemi Vatnajökulsþjóðgarðs kynnt fyrir krökkunum og þau skoðuðu sýningu sem er í gestastofunni. Það var vel tekið á móti krökkunum og starfsfólki skólans á öllum stöðum og við þökkum kærlega fyrir okkur.
Lesa meira
10.05.2024
Í dag komu saman nemendur úr öllum skólum Múlaþings á Héraðsleika fyrir 1. - 7. bekk og Forvarnadag fyrir 8. - 10. bekk. Héraðsleikarnir fóru fram í Brúarási, Fellaskóla og í Egilsstaðaskóla þar sem voru smiðjur með ýmsum verkefnum.
Forvarnadagurinn var skipulagður af starfsfólki sveitarfélagsins sem starfar í frístunda- og forvarnamálum. Krakkarnir í 8. - 10. bekk hlýddu á fyrirlestur hjá Pálmari Ragnarssyni en hann hefur haldið fjölda fyrirlestra um jákvæð samskipti og góða félaga. Krakkarnir tóku þátt í smiðjum og fóru á hraðstefnumót við jafnaldra. Lögreglan kom á staðinn og ræddi við krakkana um sakhæfi, stafrænt ofbeldi og hatursorðræðu. Starfsmenn félagsmiðstöðvanna voru með fræðslu um hvað forvarnir snúast og svo var farið í skemmtilega leiki. Í hádeginu fengu allir grillaðar pylsur og sem betur fer hélst þurrt.
Lesa meira
03.05.2024
Krakkarnir í 1. - 4. bekk unnu ýmis verkefni og þrautir í dag á útivistardeginum sínum. Fjölbreyttar stöðvar voru settar upp í samvinnu við Náttúruskólann í næsta umhverfi skólans. Á stöðvunum var t.d. tálgað og svo skreyttir töfrasprotar, vatnslitað, farið í kubb og æfðir hnútar. Uppi í skólarjóðrinu voru steiktar lummur og poppað yfir eldi. Í Tjarnargarðinum æfðu krakkarnir frisbee-golf og tóku einnig þátt í víkingaleikjum sem var unnið í samstarfi við Minjasafn Austurlands. Á einni stöð var farið á hestbak og á annarri stöð var Hildur Bergsdóttir mætt með býflugurnar sínar, sem voru enn í vetrardvala. Auk þess skoðuðu krakkarnir ýmis undur náttúrunnar í víðsjám og með stækkunargler. Það voru glaðir krakkar sem komu inn í hádegismat að dagskránni lokinni.
Lesa meira
29.04.2024
Í liðinni viku fóru um 50 starfsmenn Egilsstaðaskóla til Skotlands í fræðsluferð. Markmið ferðarinnar var að kynnast áherslum í skoskum grunnskólum og heyra af verkefnum sem verið er að vinna að. Starfsfólk Seyðisfjarðarskóla var einnig með í ferðinni.
Á sumardaginn fyrsta sat starfsfólkið fyrirlestra frá nokkrum aðilum. M.a. var kynnt stefna sem skosk menntayfirvöld hafa innleitt og kallast GIRFEC (Getting it right for every child). Stefnan gengur út á að styðja við börnin á fjölþættan hátt með áherslu á velferð þeirra. Af sama meiði er verkefnið Nurture sem íslensk menntayfirvöld hafa verið að kynna fyrir skólafólki á Íslandi. Eftir hádegi var fyrirlestur um hvernig nýta má LEGO í kennslu og þátttakendur unnu nokkur skemmtileg verkefni i tengslum við það.
Íþróttakennarar sóttu sérstakt námskeið í íþrótt sem kallast padlet auk annarrar fræðslu.
Á föstudeginum var farið í skólaheimsókn í grunnskólann í Alloa í Clackmannanshire. Þar var kynning á verkefnum sem skólinn vinnur með og nemendur kynntu verkefni sem þau eru að vinna í ritun.
Það er áhugavert að sjá skólastarf í öðrum löndum; margt er svipað og hjá okkur og áherslan á að styðja við börnin til að þau geti nýtt styrkleika og hæfileika sem best. Við fengum margar hugmyndir og sáum spennandi hluti sem við gætum nýtt okkur í starfinu.
Starfsmannahópurinn naut þess að vera saman og við komum heim reynslunni ríkari.
Lesa meira
